Category Articles

(၁)
ဒီနေ့မနက် မိုးလေးကလဲ အေးနေတော့ မိုးတအားသည်းမှာကို စိုးရိမ်မိတယ်။
အစကတော့ ကျွန်တော်လည်း မနက်ပိုင်းကို sembawang ဘုန်းကြီးကျောင်းကိုသွားမယ်လို့ စိတ်ကူးခဲ့တာ။ သူငယ်ချင်းတွေက လှမ်းပြီးဖုန်းဆက်ခေါ်တာနဲ့ Topayoh ဘုန်းကြီးကျောင်းကိုပဲ သွားခဲ့တယ်။ မိုးလေးက တဖွဲဖွဲလေးကျနေတဲ့အကြား ဘုန်းကြီးကျောင်းကိုသွားရာ လမ်းတလျှောက် လူတွေကများလိုက်တာ. . ။ ပျော်စရာကြီးပေါ့ . .

ဘုန်းကြီးကျောင်းမှာ ကျွေးမွေးကြတဲ့ အဖွဲ့တွေကလည်း အများကြီး။ ရခိုင်မဏ္ဍာပ်၊ မွန်အဖွဲ့၊ ပြည်လူငယ်များမဏ္ဍာပ် . . ။ လာတဲ့လူတွေကလည်း ကျိတ်ကျိတ်တိုး။ စားချင်သလောက်စား .. အားရပါးရစား .. ကျွေးမွေးလှူဒါန်းလိုက်ကြတာ မနည်းပါ။ ကျွန်တော်တို့တော့ ပြည်မဏ္ဍာပ်က မုန့်ဟင်းခါးစား၊ ရေပက်ပြီး ပြန်လာခဲ့ကြတယ်။

(၂)
အဲဒီကနေ City Hall ကိုသွားပြီး စတိတ်ရှိုးကြည့်ကြတယ်။ မြန်မာပြည်အလွမ်းပြေပေါ့ဗျာ … စတိတ်ရှိုးက နေ့လည် ၁၂နာရီမှာ စတယ်။ ကျွန်တော်တို့ရောက်သွားတော့ ဦးရွှေရိုးနဲ့ဒေါ်မိုး ဒိုးပတ်အဖွဲ့ ကနေကြပြီ။ နောက် မြန်မာမိန်းကလေးတွေရဲ့ယိမ်းအဖွဲ့၊ ဗီယက်နမ်မိန်းမပျိုလေးတွေရဲ့ သင်္ကြန်ယိမ်းအက(သူတို့ကလဲ ကချင်လို့လို့ပြောတာပဲ၊ မသိရင်တော့ မြန်မာမိန်းကလေးတွေလို့ထင်ရမယ်၊ တော်တော်ကတတ်တာပဲ)။ မြန်မာမိန်းမပျိုလေးတွေရဲ့ မလေးလက်ခတ်သံသီချင်းနဲ့အကကတော့ မြန်မာပြည်ကို တအားသတိရသွားစေခဲ့ပါတယ်။

နောက် .. ဦးဇော်ဝမ်းကြီးရဲ့ သင်္ကြန်မိုးသီချင်း(ကျနော်မနက်ဖြန်မှာ မန္တလေး မြို့တော်ဝန်မဏာပ်မှာ ဖွင့်ပွဲသွားဆိုရမှာပါဆိုပြီး ပြောတော့လေ မန်းလေးကိုလွမ်းလိုက်တာ)။ ဦးဇော်ဝမ်းကြီးပြီးတော့ ရှင်ဖုန်း၊ နောက် .. ဆောင်းဦးလှိုင်နဲ့ စည်သူလွင် .. သူတို့ရဲ့သီချင်းအေးအေးလေးတွေနဲ့ ဖျော်ဖြေကြတော့ အာလုံးလိုက်ဆိုပြီး အားပေးကြတယ်။ မြန်မာဟေ့..မြန်မာဟေ့..ဆိုတဲ့ အသံတွေကလည်း ညံလို့ပေါ့။ ကိုဆောင်းဦးရဲ့ နေသာလေလာတဲ့ တစ်နေ့ကိုတော့ အားလုံးပဲမျှော်လင့်လျက်ပါ။

စတိတ်ရှိုးကွင်းထဲမှာလည်း ရေပက်ဖို့ ရေကန်လေးတွေနဲ့ ရေဖြည့်ပေးထားပါတယ်။ ၁၅မိနစ်လောက် ရေပက်ချိန်နားပြီးတော့ ဟစ်ဟော့အဆိုတော် ရဲလေးဆိုတယ်။ သူ့ကိုလဲ အားပေးကြတယ်။ သူလဲ မနားတမ်း Non-Stop ဆိုသွားတယ်။ ကျွန်တော်ကတော့ မမှတ်မိဘူး။ ဘာတဲ့ .. ဟစ်ဟော့ကို ကြိုက်တယ်ဆိုရင်အကိုကြီးတွေလဲ ထခုန် ဆိုတော့ ..ခုန်လိုက်တာပေါ့။

စတိတ်ရှိုးကျင်းပတဲ့ ကွင်းထဲမှာ မုန့်ဆိုင်တွေလဲရောင်းနေတယ် . . . Topayoh ဘုန်းကြီးကျောင်းမှာတုန်းက အလှူဒါနအနေနဲ့ မုန့်တွေကျွေးကြတာ အပြိုင်အဆိုင်၊ ဒီမှာကတော့ ၀ယ်စားကြရတယ်။
ကျနော့်နာမည် ဘယ်သူဘယ်ဝါ၊ ဘယ်နားမှာနေပါတယ်ဆိုပြီး စင်ပေါ်တက်လာသူက မျိုးကျော့မြိုင်။ အောက်ကပရိတ်သတ်ကလဲ ကလိုက်ကြတာကွေးလို့ . .

ဒါပေမယ့် ပရိတ်သတ်က တောင်းဆိုနေတာက တစ်ယောက်။ သူက မဆိုသေးဘူး။ နောက်ဆုံးတော့ သူတက်လာတယ်။ သူကတော့ ဖြူဖြူကျော်သိန်း၊ သူလဲတော်တော်များများ ဆိုသွားတယ်။ မျက်နှာဖုံးစွပ်ကြီးနဲ့ တညောင်ညောင်လုပ်ပြီး ပရိတ်သတ်ကို စွဲအောင်ပြုစားခဲ့သလား . . ပရိတ်သတ်ကလဲ အောက်က လိုက်ဆိုကြ . . သူကလဲ တစ်ပုဒ်ပြီးတစ်ပုဒ်ဆိုနဲ့ ခြောက်နာရီထိုးမှာ ပွဲပြီးသွားခဲ့တယ်။

(၃)
အိမ်ကိုပြန်တော့ ခုနှစ်နာရီထိုးပါပြီ။ MRT ပေါ်မှာ ကျနော့်ကို လူတွေက ကြည့်ကြည့်သွားကြတယ်။ မိုးမရွာပါပဲ တစ်ကိုယ်လုံး စိုရွှဲနေတာကိုး။ ကျနော်ကတော့ ခေါင်းကိုမော့လို့ ခပ်တည်တည်ပါပဲ . . သီချင်းလေးတစ်ပိုင်းတစ်စတောင် ညည်းမိတယ်။
ငါတော့ မေ့လို့မရနိုင်ဘူး . . . ချစ်ဆုံးရေ . . .
ငါတော့ မေ့လို့မရနိုင်ဘူး . . . ချစ်ဆုံးရေ . . . ။

(၄)
ကျွန်တော်တို့ သင်္ကြန်ကတော့ ဒီလိုပဲ ပြီးသွားခဲ့ပါတယ်။
မြန်မာပြည်မှာတော့ မနက်ဖြန် သင်္ကြန်အကြိုနေ့။ လွမ်းလိုက်တာ . . . ။
ငါတော့ မေ့လို့မရနိုင်ဘူး။

ဆောင်းချမ်းမိုး

ဒီတပတ်တော့ web designer တွေ အတွက်လေ့လာစရာ ၀က်ဘ်ဆိုက်တစ်ခုကိုတင်ပြလိုက်ရပါတယ် . . တော်တော်လေး ကောင်းပါတယ်။ လေ့လာရင်း လေ့လာရင်းနဲ့ ပြန်မထွက်နိုင်ခဲ့လို့ နောက်နေ့မှပဲ ပြန်လေ့လာဖို့ bookmark လုပ်ခဲ့ရပါတယ်။

http://www.1stwebdesigner.com/

1stwebdesigner is a design blog dedicated to bloggers, freelancers, web-developers and designers. Topics focus on web design,graphic design, tutorials and inspirational articles.

45 Sites, Free Icons And PSD Resources For Web-Design

Since previous graphic design related article turned out to be really popular, I decided to do similar article about web-design related resources. In this list You’ll find many free icons, psd files in good quality, Photoshop layer styles for easier icon creation and many websites specialized to deliver good quality freebie related content. You could say, it’s better to create icons Yourself, but I think there is no sense to create something that’s already there available for free, however if there isn’t something, this is only way to know it. Also yes, here is many *.psd files, so You have a chance also to see how really these icons are created and learn something. At least I think it’s worth bookmarking!
One more time, before You use these icons read licence terms and legal agreements.

အခန်း(၄)
အပြုအမူကောင်းတို့အတွက် ရည်မှန်းချက်

မြင့်မြတ်တဲ့ စိတ်ဆန္ဒ၊ မြင့်မြတ်တဲ့ ရည်မှန်းချက် ရှိခြင်းဟာ အကျင့်စရိုက်ကောင်းရှိဖို့၊ အကျင့်သီလကောင်းရှိဖို့ အထောက်အကူအများကြီးပေးတယ်လို့ ဆိုနိုင်ပါတယ်။

ပုဂ္ဂိုလ်တစ်ဦးက မြင့်မြတ်တဲ့ရည်မှန်းချက်ရှိခြင်းဟာ အကျင့်စရိုက်ကောင်း ဖြစ်ပေါ်လာဖို့အတွက် အခြေခံဖြစ်တယ်။ ဒါကြောင့် လူငယ်လူရွယ်တွေကို အကျင့်စရိုက်ကောင်းရှိကြပါလို့ ပြောနေမယ့်အစား မြင့်မြတ်တဲ့ ရည်မှန်းချက်ဆိုတာဟာ ဘယ်လိုရည်မှန်းချက်မျိုးဖြစ်တယ်။ ဒီလိုရည်မှန်းချက်မျိုးကို ရောက်အောင် ဘယ်လိုပြင်းပြတဲ့ဆန္ဒ ရှိသင့်တယ်ဆိုတာ ညွှန်ပြပေးဖို့လဲ လိုတယ်တဲ့။

အောက်တန်းကျတဲ့ စိတ်ဆန္ဒတွေရှိရင် အောက်တန်းကျတဲ့ အပြုအမူတွေ၊ အလုပ်တွေကိုလုပ်မှာပဲ။ ခိုးစားမယ်လို့ ရည်ရွယ်ထားရင် ခိုးမယ်၊ သူခိုးဖြစ်မယ်ပေါ့။ အချောင်ခိုမယ်၊ ရေသာခိုနေမယ်ဆိုတဲ့ စိတ်ထားရင် အချောင်ခိုမှာပဲ။ ရေသာခိုနေမိမှာပဲတဲ့။

အချောင်ခိုချင်စိတ်၊ ရေသာခိုချင်တဲ့စိတ်တွေနဲ့ ဟိုတစ်ယောက်ကအချောင်ခို၊ ဟိုတစ်ယောက်က ဒါလောက်ကလေးတော့ မဖြစ်လောက်ပါဘူးဆိုပြီး အများပိုင်ပစ္စည်းတွေကို မသိမသာ အသုံးပြုမိ၊ ဟိုတစ်ယောက်က အဂတိလိုက်စားနဲ့ လုပ်မိကြရင် ဒီလိုလုပ်သူတွေ များလာတဲ့အခါ လူအဖွဲ့အစည်း တစ်ခုလုံး ပျက်စီးသွားနိုင်တာပဲ။

ဒီနေရာမှာ တိုက်တပ်စ် Titus ဆိုတဲ့ ပုဂ္ဂိုလ်ပြောတဲ့စကားတစ်ခုကို အမှတ်ရပါတယ်။ သူက “ရောမအင်ပါယာကြီး လျှောကျ ပျက်စီးရတာဟာ အစာရေစာ ခေါင်းပါးချို့တဲ့လို့လဲ မဟုတ်ဘူး။ ပြင်ပကရန်သူတွေ ၀င်ရောက်တိုက်ခိုက်လို့လဲ မဟုတ်ဘူး၊ (တကယ်အကြောင်းအရင်းက) ပြည်သူပြည်သားတွေ အကျင့်စာရိတ္တ ပျက်စီးသွားကြလို့ပဲ” တဲ့။

အများအားဖြင့်ကတော့ အကျင့်စရိုက်ကောင်းရှိသူဖြစ်ချင်မိကြတာပါပဲ။ ငါဟာအကျင့်စရိုက်ကောင်းသူ ဖြစ်အောင်နေမယ်လို့ ဆုံးဖြတ်တော့ထားတာပဲ။ ဒါပေမယ့် စိတ်ဆန္ဒတွေက မပြင်းထန်တော့ အကျင့်စာရိတ္တ ပျက်ပြားစရာ အခြေအနေတစ်မျိုးမျိုးနဲ့ ကြုံတဲ့အခါ ပျက်ပြားသွားပြန်တာပဲ။ မပြည့်စုံသူကလဲ ပြည်စုံချင်တာကြောင့် အကျင့်ဖောက်ပြားတယ်။ ပြည့်စုံသူကလဲ ပိုပြီးပြည့်စုံချင်တာကြောင့် အကျင့်ဖောက်ပြားမိတာပဲ။

တစ်ခါတုန်းက ဂင်္ဂါမြစ်ဘေးက ကျောက်ဖျာပေါ်မှာနေတဲ့ သစ်ကျုတ် (ကျားသစ်) တစ်ကောင်ရှိတယ်တဲ့။ တစ်နေ့တော့ မမျှော်လင့်ဘဲ ဂင်္ဂါမြစ်ရေတွေ ရုတ်ခြည်း လျှံလာတယ်။ မြစ်ရေက ဒီသစ်ကျုတ်နေတဲ့ ကျောက်ဖျာဝိုင်းကိုပတ်မိသည်အထိ လျှံတက်လာတယ်။ ဒီအခါမှာ သစ်ကျုတ်ကတွေးတယ်။ “ငါ့မှာ အစာထွက်ရှာဖို့ လမ်းလဲမရှိတော့ဘူး။ ငါ့တော့ ငတ်ပြီး သေတော့မှာပဲ။ ရေတွေထဲဖြစ်ပြီး အစာရှာထွက်လဲ ငါသေမှာပဲ။ ဒီတော့ ..သေမယ့် အတူတူ ဥပုသ်စောင့်ရင်းသေတာကမှ အကျိုးရှိဦးမယ်” လို့တွေးပြီး ဥပုသ်စောင့်ရင်း ကျောက်ဖျာပေါ်မှာ အိပ်နေတယ်တဲ့။

သူအိပ်နေတုန်း သူ့အနီးအနားမှာ အသံကြားလို့ ခေါင်းထောင်ကြည့်လိုက်တော့ .. သူနဲ့မနီးမဝေးမှာ ဆိတ်တစ်ကောင်ကို မြင်ရတယ်။ ဒီတော့ သစ်ကျုတ်က ဓအင်း နောက်နေ့မှ ဥပုသ်စောင့်တာပေါ့။ ဒီနေ့တော့ ဆိတ်ကိုသတ်ပြီး ဆိတ်သားစားလိုက်ဦးမယ်” လို့ ကြံပြီး ဆိတ်ကိုလိုက်ဖမ်းတယ်။ ဒါပေမယ့် ဆိတ်က အရှောင်အတိမ်း အပြေးအလွှားကောင်းတော့ ဘယ်လိုမှ ဖမ်းလို့မရဘူး။ ဆိတ်ဟာ မကြာခင်မှာပဲ သူ့မျက်စိအောက်ကပျောက်သွားတယ်။ ဒီအခါမှာ သစ်ကျုတ်ဟာ သူအိပ်တဲ့နေရာ ပြန်လာပြီး “အင်း .. ငါ့မှာ ဥပုသ်သီလမှမပျက်သေးဘဲ ဆက်ပြီးစောင့်လိုက်ဦးမယ်” ဆိုပြီး ပြန်အိပ်သွားတယ်တဲ့။

ပြင်းထန်တဲ့ဆန္ဒနဲ့ မြင့်မြတ်တဲ့ ရည်မှန်းချက်တွေ မရှိတဲ့အခါ လူဟာ မကောင်းတဲ့ အပြုအမူတွေကို ရှောင်ပြီး ကောင်းတဲ့ အပြုအမူတွေကို ရှောင်ပြီး ကောင်းတဲ့အပြုအမူတွေကို ပြုဖို့ မလွယ်လှဘူး။ ဖောက်ပြန် ချင်ရင်လဲ မဖောက်ပြန်အောင် “တောင့်” မခံနိုင်ပြန်ဘူး။ ရုရှားစကားပုံတစ်ခုရှိတယ်။ “ငွေက စကားပြောလာတဲ့အခါ အမှန်တရားဟာ ဆိတ်ငြိမ်နေတယ်” When money speaks, the truth is silent. တဲ့။ သဘောတရားအရ အသိဥာဏ် ဆင်ခြင်ဥာဏ် Reason and Intellect တွေက ဤသို့ပြုမူခြင်းကကောင်းတယ်၊ ထိုသို့ပြုမူခြင်းကတော့ မကောင်းဘူးလို့ ခွဲခြားသိတတ်ပါရဲ့။ တခြားတစ်ပါးသူတွေရဲ့ အပြုအမူတွေကိုလဲ ဘယ်ဟာကမှားတယ်၊ ဘယ်ဟာကတော့ မှန်တယ်လို့ ပြောတတ်ပါရဲ့။ ဒါပေမယ့် တကယ်မက်မောလောက်တဲ့၊ လိုချင်လောက်တဲ့ငွေကြေး လာဘ်လာဘတွေရဲ့ ဆွဲဆောင်မှုကို ကိုယ်တိုင်ကြုံလာတဲ့အခါ ဘာမှ အမှားအမှန် မပြောတော့ဘဲ ဆိတ်ဆိတ်ငြိမ်ငြိမ်လက်ခံလိုက်မိလိုက်တာပဲ။ ဒါဟာ ဘာကြောင်လဲဆိုတော့ “မမှန်တာတော့မလုပ်ဘူး” လို့ စိတ်က တောင့်မခံနိုင်တော့လို့ပဲ။ လူမှာ မြင့်မြတ်တဲ့ ရည်မှန်းချက်နဲ့ ပြင်းထန်တဲ့ဆန္ဒ၊ ခိုင်ခံ့တဲ့စိတ်ဓာတ်မရှိတဲ့အခါမှာ ဆန္ဒာ၊ ဒေါသာ၊ ဘယာ၊ မောဟာ အစရှိတဲ့ အဂတိတရားတွေကို လိုက်စားမိနိုင်တာပဲ။

မြင့်မြတ်တဲ့ဘ၀မျိုးကိုရဖို့ရောက်ဖို့ ချမှတ်ထားတဲ့ရည်မှန်းချက်တွေ ဆန္ဒတွေအားနည်းလို့ .. အို ဒါလောက်ကလေးတော့ လုပ်လိုက်ဦးမယ်ဆိုပြီး မဟုတ်တာကလေးတွေကို တစ်စတစ်စ နည်းနည်း နည်းနည်းပြုလုပ်မိရာက နောင်ကြာလာတဲ့အခါမှာ ဖျောက်ဖျက်မရတဲ့ အကျင့်စရိုက်ဆိုးကြီးတွေအဖြစ် လူမှာဖွဲ့စည်းမိသွားတာပဲ။ တစ်ခါနှစ်ခါလောက်နဲ့တော့ ကိစ္စမရှိပါဘူး ဆိုပြီး တစ်စတစ်စအရက်သောက်ရာက အကြိမ်များလာတဲ့အခါ သွေးသားတွေကပါ ကြိုက်တတ်တဲ့ အကျင့် ရလာပြီး အရက်မသောက်ရမနေနိုင်တဲ့ အကျင့်ရသွားတာမျိုးပဲ။ တရားဥပဒေနဲ့ မညီတဲ့အလုပ်မျိုးကို အို..ဒါလောက်ကလေးတွေနဲ့တော့ မဖြစ်လောက်ပါဘူးဆိုပြီး တစ်စတစ်စလုပ်မိရာက ပိုပိုဇက်ရဲလက်ရဲဖြစ်လာပြီး တရားဥပဒေနဲ့ ဆန့်ကျင်တဲ့ ကြီးကျယ်တဲ့မသမာမှုကြီးတွေ၊ မကောင်းမှုကြီးတွေကို လုပ်မိခြင်းမျိုးတွေလဲ ဖြစ်လာနိုင်တာပဲ။ “ကြီးကျယ်တဲ့ မကောင်းမှုကြီးဟာ အနည်းငယ် အနည်းငယ် မကောင်းတာလေးတွေ စုပေါင်းမိရာက မကောင်းမှု ဒုစရိုက်ကြီး ဖြစ်ပေါ်လာတာပဲ” Great evil has small beginnings ဆိုတဲ့ စကားအတိုင်းပဲပေါ့။ ဒီလိုစွဲမြဲတဲ့ အကျင့်စရိုက်မျိုးကို ရပြီဆိုရင် ဖျောက်ဖျက်ပစ်ဖို့ မလွယ်တော့ဘူး။

ဒီနေရာမှာဆက်စပ်နေလို့ ပန်းပုဆရာကြီးတစ်ဦး ပြောပြတဲ့ စကားတစ်ခုကို ပြောရဦးမယ်။ သူက “ပန်းပုထုတဲ့အခါမှာ မလိုတာတွေကို ဖဲ့ဖဲ့ထုတ်ပစ်ရတယ်။ မလိုတာတွေကို ဖဲ့ထုတ်ပယ်ထုတ်ပစ်ပြီးတော့မှ လှပတဲ့ရုပ်လုံး ပေါ်လာနိုင်တာတဲ့။ ဒီနည်းတူတဲ့ လူဟာ ကိုယ့်ဘ၀ ကိုယ့်ခန္ဓာမှာ မလိုအပ်တဲ့ အရာတွေကို ဖဲ့ဖဲ့ထုတ်၊ ပယ်, ပယ်ထုတ်ပစ်ရတယ်တဲ့။
ကိုယ့်ဘ၀ကိုယ့်ခန္ဓာက ဖဲ့ထုတ်ပယ်ထုတ်ပစ်ရမှာက အကျင့်ဆိုး စရိုက်ဆိုး .. စတဲ့ အရာတွေပဲတဲ့၊ အကျင့်ဆိုး စရိုက်ဆိုး စတဲ့ မလိုလားအပ်တာတွေကို ဖဲ့ထုတ် ပယ်ထုတ်ပစ်မှ တလှ တပ ဘ၀မျိုး ဖြစ်လာနိုင်တာ” တဲ့။

တစ်ခါတုန်းက ဆရာကြီးတစ်ဦးက အကျင့်စရိုက်ဆိုးတွေ ရစပြုနေတဲ့ တပည့်တစ်ဦးကိုခေါ်ပြီး တောလမ်းကလေးအတိုင်းလျှောက်လာတယ်။ လျှောက်လာရင်းက အညွန့် အညှောက်ပေါက်စ သစ်ပင်ကလေးတစ်ပင်ကို တွေ့တော့ .. ဆရာကြီးက .. “တပည့် … ဟောဟိုက အပင်ကလေးကို နုတ်ကြည့်စမ်း” လို့ ခိုင်းတယ်။

တပည့်ကလဲ သွားပြီး အလွယ်ကလေးပဲ လက်ညှိုးနဲ့ လက်မကြားထဲညှပ်ပြီး ဆွဲနှုတ်လိုက်တယ်။
ဒါနဲ့ ဆက်လျှောက်လာခဲ့ကြပြန်တယ်။

မကြာခင် အတော်ကလေးအမြစ်ခိုင်ခိုင် တွယ်မိနေပြီဖြစ်တဲ့ သစ်ပင်ငယ်တစ်ပင်ကို တွေ့တယ်။ ဒီအခါမှာလဲ ဆရာကြီးက “တပည့်၊ ဟောဟိုက သစ်ပင်ကို နုတ်ပါဦး” လို့ ခိုင်းတယ်။ တပည့်က သွားပြီးနုတ်တယ်။ လက်နှစ်ဖက်နဲ့တော်တော်ကလေး အားစိုက်ပြီး နုတ်လိုက်တော့ သစ်ပင်ငယ်က အမြစ်ကျွတ်ပြီး ပါလာတယ်။

ဆရာတပည့်နှစ်ယောက် ဆက်ပြီးလျှောက်လာကြပြန်တယ်။ လျှောက်လာရင်းက တပည့်လူငယ်က “ဘာမှ အသုံးမချဘဲ ငါ့ကို သစ်ပင်နုတ်ခိုင်းနေတာ ငါ့ဆရာကြီး စိတ်တွေမှ မူမှန်သေးရဲ့လား” လို့ တွေးလာတယ်။

မကြာခင် လူတစ်ပိုက်တစ်ဖက်လောက် လုံးပတ်ရှိတဲ့ သစ်ပင်ကြီးတစ်ပင်ကို တွေ့ရတယ်။ ဒီအခါမှာလဲ ဆရာကြီးက “တပည့် ဟောဟိုက သစ်ပင်ကြီးကို နုတ်စမ်းပါ” လို့ ခိုင်းပြန်တယ်။ နုတ်လို့မရမှန်းသိပေမယ့် ဆရာက ခိုင်းနေတော့ တပည့်လူငယ်က လက်နှစ်ဖက်နဲ့ သစ်ပင်ကြီးကို ပိုက်ဖက်ပြီး တအားကုန်နုတ်တယ်။ ချွေးဒီးဒီးသာကျတယ်။ သစ်ပင်ကြီးကတော့ တုတ်တုတ်တောင် မလှုပ်ဘူး။

ဒီတော့မှ ဆရာကြီးက “တပည့် မင်းကို ဆရာက အကြောင်းမဲ့ သစ်ပင်တွေကို နုတ်ခိုင်းနေတာမဟုတ်ပါဘူး။ သစ်ပင်တွေကို သာဓကထားပြီး ပြောပြစရာရှိလို့ပါ။ အကျင့်စရိုက်ဆိုးတွေဆိုတာ နုစဉ်အချိန်၊ အကျင့်စရိုက်ဆိုးတွေ ကိုယ့်မှာဖြစ်လာစအချိန်မှာ (သစ်ပင်ကလေးဖြစ်စမှာ လွယ်လွယ်နဲ့ နုတ်ပယ်ပစ်လို့ ရသလို) နုတ်ပယ်ပစ်လို့ရတယ်၊ နုတ်ပယ် မပစ်ဘဲ ဆက်ပြီး အကျင့်ဆိုးတွေကို ကြီးပွားစေချင်ရင်တော့ အထုအထည်ကြီးလာပြီး (သစ်ပင်ကြီးဖြစ်လာတော့ နုတ်ပယ်လို့ မရတော့သလိုပဲ) နုတ်ပယ်လို့ မဖြစ်နိုင်တော့ဘူး။ ဒီအခါမှာ ဘ၀ဟာ ဆုံးရှုံးပျက်စီးသွားနိုင်တယ် ဆိုတာ ဆရာပြောချင်လို့ပါပဲ” လို့ ရှင်းပြတယ်။

ဟုတ်ပါတယ်။ ဧရာမအခိုင်အခံ တိုက်တာအဆောက်အအုံကြီးပေါ်မှာ ညောင်စေ့ကလေးကျလုိ့ ပေါက်လာတဲ့ ညောင်ပင်ကလေးကို စောစောနုတ်ပယ်မပစ်ဘဲ ကြီးထွားအောင်ထားရင် ကြာတဲ့အခါ အမြစ်တွေက အုတ်ကြားထဲတိုးဝင်ပြီး အဆောက်အအုံကြီးကို ဖြိုချပစ်နိုင်သလိုပဲ၊ အကျင့်စရိုက်ဆိုးတွေဟာ ကြာရင်ဘ၀တစ်ခုလုံးကို ဖြိုချဖျက်ဆီးပစ်နိုင်တာပဲ။ ဒါကို မြော်မြင်ပြီး အကျင့်စရိုက်ဆိုးတွေမ၀င်အောင်၊ ၀င်လာရင်လဲ နုစဉ်က နုတ်ပယ်နိုင်အောင် ကျွန်တော်တို့မှာ အစဉ်ပဲ သတိရှိနေဖို့ လိုတယ်လို့ ထင်ပါတယ်။

နန္ဒာသိန်းဇံ

The farewell of the falling September

သုံးနှစ် . . .
ဟုတ်ပါတယ်၊
ကျွန်တော်တို့ ဖြတ်သန်းခဲ့တာ
သုံးနှစ်တာကာလလေးတစ်ခုပါ
ဒီသုံးနှစ်ရဲ့ နောက်ဆုံးက စက်တင်ဘာ …
ကြွေလွင့်စပြုနေတဲ့
စက်တင်ဘာနေ့ရက်တွေရဲ့ အလယ်မှာ
Heart ထိနေကြပါတယ်
ရင်ထဲက
နောက်ဆုံးပေါ် language နဲ့ ရေးထားတဲ့
ခံစားချက်တွေကို
အများနားလည်အောင်
ဦးနှောက်ထဲက compiler ကိုသုံးပြီး
ကီးဘုတ်ပေါ်က character လေးတွေအဖြစ်
compile လုပ်ပြီး duplicate လုပ်ထားပါတယ်။
ခံစားချက်တွေကို ဒီထက်မကနားလည်ချင်ရင်တော့
ကျွန်တော်တို့ရဲ့ နှလုံးသား website တွေထဲဝင်ပြီး
solution များကို download ရယူနိုင်ပါတယ်။ ။

ဒဟတ္တောမှ
ကြွေလွင့်နေသော စက်တင်ဘာနေ့ရက်များ၏
အိုင်တီခရီးသည်တစ်စု

ဤသို့ဖြင့် လွန်ခဲ့သောနှစ်ပေါင်း ခြောက်နှစ်ခန့်က အိုင်တီခရီးသည်တို့၏ နှုတ်ဆက်သံများသည် ဒဟတ်တောတစ်ဝိုက်တွင် ကြွေလွင်ခဲ့ရပါတော့၏။ (၂၀၀၁) မန္တလေးကွန်ပျူတာတက္ကသိုလ်၊ ဒဟတ်တောတွင် မှတ်မှတ်ရရ ကျွန်တော်တို့သူငယ်ချင်းတွေစုပြီး ကဗျာစာအုပ်လေးတွေ ထုတ်ဝေဖြစ်ခဲ့ကြသည်။ ခိုင်ဦးမောင်၊ ဂူဂူး၊ စမောလေး၊ စိုင်းဆိုင်ဟုမ်၊ ဆောင်းချမ်းမိုး၊ နွံမို၊ နိုင်ဘုန်းမြတ်၊ နန်းဇာနည်မင်း၊ မိုးခဟန်၊ မိုးထက်စံ၊ မိုးယံလွှမ်း၊ မောင်ပေါဖြူ(ကျွဲရိုက်)၊ ရွှေမန်းသား၊ ရှိုင်းလက်၊ အလင်းနစ်၊ အေနွံ …

ပျော်စရာလည်းကောင်း၊ လွမ်းစရာလည်းကောင်း . . ရင်ခုန်သံကိုယ်စီဖြင့် ခံစားချက်တွေ ဖွင့်လှစ်ပစ်ခဲ့တယ်။

ကျနော်ငယ်ငယ်က ဖေဖေရဲ့ စာအုပ်စင်ပေါ်မှာ တွေ့ခဲ့ပြီး ဒီစာအုပ်လေးထဲက ပုံပြင်လေးတွေကို ဖတ်ခဲ့ပါတယ်။ စာရေးဆရာက ဘာတွေပြောထားသလဲဆိုတာ နားမလည်သေးပါဘူး။ ကျနော်အထက်တန်းကျောင်းသားဘ၀ အပျင်းပြေဖတ်စရာမရှိတော့ ဒီစာအုပ်လေးကိုကြည့်မိပါတယ် . . . နန္ဒာသိန်းဇံ “ ခရောင်းလမ်းကို ဖြတ်ကျော်ခြင်း” တဲ့ ။ ဖတ်ကြည့်တော့ နားလည်ပေမယ့် ကောင်းကောင်းသဘောမပေါက်သေးပါဘူး။ နောက်ပိုင်းမှာတော့ လူငယ်ဘ၀ တက္ကသိုလ်ကျောင်းသားဘ၀ကစပြီး အခုအချိန်ထိ ကျနော့်ဘေးနားမှာ အမြဲ ရှိနေတဲ့ စာအုပ်တစ်အုပ်ဖြစ်လာခဲ့ပါတယ်။

လူငယ်တွေဆိုတာ အတွေ့အကြုံပိုင်း အရာမှာ လူကြီးတွေကိုမမီသေးပါဘူး။ သူတို့ဘ၀မှာ သူတို့ရင်ဆိုင်တွေ့ကြုံနေရတဲ့ အခက်အခဲပြသနာမှန်သမျှဟာ လူကြီးတွေက အားလုံးတွေ့ကြုံခဲ့ရပီးပါပြီ။ ဒီစာအုပ်လေးရှိနေတာဟာ ကျနော့်ဘေးမှာ လူကြီးတစ်ယောက်၊ ဆရာတစ်ယောက်အနေနဲ့ ကျနော်ကို အားပေးသွန်သင်ဆုံးမနေသလိုပါပဲ . .
ဒီစာအုပ်လေးကိုဖတ်မိပြီးနောက်ပိုင်းမှာ ဆရာ့ရဲ့စာအုပ်တွေကိုဆက်တိုက်ဖတ်ရင်း ကျနော်ဟာ နန္ဒာသိန်းဇံ ခရေဇီတစ်ယောက်ဖြစ်လာခဲ့ပါတယ်။ လူတစ်ယောက်ရဲ့ဘ၀မှာ သူရဲ့အတွေးအခေါ်အမြော်အမြင်လမ်းကြောင်း မမှားဖို့ဆိုတာ အရေးအကြီးဆုံးပါပဲ။ ကျွန်တော်ကတော့ဆရာ့ရဲ့ “ခရောင်းလမ်းကိုဖြတ်ကျော်ခြင်း” ဆိုတဲ့စာအုပ်လေးကို ဖတ်ကြည့်ကြပါလို့ တိုက်တွန်းလိုက်ချင်ပါတယ် . . ဆရာရေးထားတာလေးတွေကိုလည်း ဖတ်ကြည့်နိုင်ဖို့ တင်ပြလိုက်ရပါတယ်။

နန္ဒာသိန်းဇံ
ခရောင်းလမ်းကိုဖြတ်ကျော်ခြင်း

နိဒါန်း
ဟိုးရှေးခေတ် ရွက်သဘောင်္ကြီးတွေနဲ့ ပင်လယ်ခရီးကို ကူးသန်းသွားလာတဲ့ခေတ်က တစ်နေ့မှာ . . ပင်လယ်ထဲမှာ သင်္ဘောတစ်စင်းဟာ မုန်တိုင်းမိနေပါတယ်။ ဒီအခါမှာ သင်္ဘောကပ္ပတိန်က သင်္ဘောသား လူငယ်တစ်ဦးကို ရွက်တိုင်မကြီးပေါ်တက်ပြီး (ဖြုတ်ပစ်မှ ဖြစ်တော့မယ့်) ရွက်ကြိုးတစ်ခုကို ဖြုတ်ချုင်တယ်။ လေက သိပ်ထန်နေပေမယ့် သင်္ဘောသားလူငယ်ဟာရဲရဲဝံ့ဝံ့သွက်သွက်လက်လက်ပဲ ရွက်တိုင်မကြီးပေါ်ရောက်အောင် တက်သွားပြီး ရွက်ကြိုးကို ဖြုတ်လိုက်တယ်။ ဖြုတ်ပြီးလို့ ပြန်ဆင်းဖို့ အောက်ကို ငုံ့ကြည့်လိုက်တော့ . . . သင်္ဘောတစ်ခုလုံးဟာ ဒေါသထန်နေတဲ့လှိုင်းလေတွေထဲမှာ ရပ်တည်ရာမရ လူးလိမ့်နေတာ မြင်ရတယ်။ ဒါကို အပေါ်စီးကနေ မြင်နေရတော့ ချက်ချင်းပဲ ဒီလူငယ်မှာ သတ္တိတွေ၊ ခွန်အားတွေ ဆုတ်သွားပြီး ထိတ်ထိတ်လန့်လန့်နဲ့ မူးမိုက် မေ့မြောသလို ဖြစ်သွားတယ်။ ဒါနဲ့ သင်္ဘောကုန်းပတ်ပေါ်က သူ့သူငယ်ချင်းဆီ လှမ်းပြီး “ဟေ့ … ငါတော့ လိမ့်ကျတော့မယ်၊ လုပ်ပါအုံး” လို့ အော်ပြောတယ်။

ဒီအခါမှာ ကုန်းပတ်ပေါ်က သူ့သူငယ်ချင်းက “အောက်ကို မကြည့်နဲ့ သူငယ်ချင်း ငုံ့ကြည့်မနေနဲ့၊ အပေါ်ကိုပဲကြည့်” လို့ တအားကုန် လှမ်းအော်ပြီး သတိပေးတယ်။
သူ့သူငယ်ချင်းသတိပေးတဲ့အတိုင်း သင်္ဘောသားလူငယ်ဟာ အပေါ်ကိုပဲကြည့်ဖို့ မျက်နှာမူထားတယ်။ ဒီအခါမှာ အောက်က မူးဝေ ထိတ်လန့်စရာ မြင်ကွင်းတွေကို မမြင်ရတော့ စိတ်သက်သာရာ ရလာတယ်။ စိတ်ငြိမ်လာတယ်။ အားမာန်သတ္တိတွေလဲ ပြန်ဝင်လာတယ်။ ဒီတော့မှ သင်္ဘောသားလူငယ်ဟာ ရွက်တိုင်မကြီးပေါ်ကနေ သတိ ၀ီရိယထားဆင်းရင်း သင်္ဘောကုန်းပတ်ပေါ်ကို အောင်မြင်စွာပဲ ရောက်လာတယ်တဲ့။

ဒီလိုပါပဲ ကျွန်တော်တို့ဘ၀မှာ အဆင်မပြေနိုင်တာတွေ၊ ကျရှုံးတာတွေ၊ မျှော်လင့်သလို ဖြစ်မလာတာတွေကို တွေ့မြင်ဆုံဆည်းနေရတဲ့အခါမှာ ရှေ့ဆက်ပြီး ကြိုးစားချင်စိတ်တွေ ကုန်သွားတတ်ပါတယ်။ အားမာန်သတ္တိတွေ လျော့ကျသွားတတ်ပါတယ်။
“ငါတော့ ဒီအခြေအနေက ကျော်နိုင်တော့မှာ မဟုတ်ပါဘူး၊ ကျပါပြီ၊ ရှုံးပါပြီ၊ ဒီဘ၀ ဒီမျှနဲ့ပဲ ပြီးပါပြီ” ဆိုတဲ့ အားလျော့မှုတွေ ဖြစ်တတ်ပါတယ်။ ဒီလို အားလျော့စရာတွေကိုပဲ ပြန်ကြည့်နေ .. ငုံ့ကြည့်နေရင်တော့ ပိုပိုပြီး အားလျော့မိ၊ စိတ်ပျက်မိတာက လွဲလို့ ဘာအောင်မြင်မှုမှ ရမှာမဟုတ်ပါဘူး။
ဒီတော့ဘယ်လို အဆင်မပြေတာတွေနဲ့ဘဲ ကြုံနေကြုံနေ …ဒါတွေကို ပြန်ပြန် ငုံ့ကြည့်မနေဘဲ ကိုယ်မျှော်လင့်ထားတဲ့၊ မြင့်မြင့်မားမား ချမှတ်ထားတဲ့ ပန်းတိုင်ဆီကိုပဲ မော်ကြည့်ပြီး ပြောချင်တာကတော့ … အပေါ်ကိုပဲကြည့်ပြီး သတိဝီရိယတွေနဲ့ လုပ်သင့်တာတွေကို ဆက်လုပ်ဖို့ လိုမှာပါပဲ။

ကျွန်တော် ဒီမှာ အခုလိုလာရောက်ဟောပြောခြင်းရဲ့ပဓာနရည်ရွယ်ချက်ကတော့ မပြေချောတဲ့၊ ဒုက္ခလှိုင်းလေထန်တဲ့ မပြေမလွင် ဘ၀ခရီးစဉ်မျိုးကို ကျွန်တော်လို သွားလာရသူများပါခဲ့ရင် ခရီးသည်အချင်းချင်း ရိုင်းပင်းတဲ့အနေနဲ့ “ မိတ်ဆွေတို့ … အောက်ကိုငုံ့ကြည့်ရင်း စိတ်ဓါတ်ကျမနေပါနဲ့၊ အပေါ်ကိုသာကြည့်” လို့ သင်္ဘောကုန်းပတ်ပေါ်က လူငယ် လှမ်းအော်သတိပေးတဲ့ သတိပေးစကားကို အတုယူပြီး သတိပေးဖို့ပါပဲ။ အခုလို သတိပေးတဲ့အနေနဲ့ အခုလို ကျွန်တော်ပြောပြတဲ့အခါမှာ အတွေ့အကြုံရင့်ကျက်နေပြီဖြစ်တဲ့ ၀ါရင့်ခရီးသည် တစ်ဦးအနေနဲ့ ပြောပြတာတွေဖြစ်တယ်လို့တော့ မမှတ်ယူစေလိုပါဘူး။ ၀ါရင့်ခရီးသည် မဟုတ်သေးတဲ့အတွက် ဟိုး … ရှေ့ကသွားနှင့်ကြတဲ့ ခရီးသည်တွေဆီကတစ်ဆင့် ကြားရဖူး၊ မှတ်သားခဲ့ရဖူးတဲ့ အတွေ့အကြုံတွေ၊ သင်ခန်းစာတွေကို “တစ်ခါတုန်းက … ဤသို့ .. ဤသို့တဲ့” ဆိုတဲ့ အသုံးအနှုန်းမျိုးနဲ့သာ ခရီးသည်အချင်းချင်းရိုင်းပင်းအားပေးတဲ့အနေနဲ့ သတိပေးစကားပြောသွားမှာဖြစ်ပါတယ်။ ကျွန်တော်ပြောတာတွေကို သိပြီး၊ ကြားဖူးပြီးသားတွေ ဖြစ်နိုင်ပါတယ်။ ဒါပေမယ့် ထပ်မံပြီး သိရကြားရတဲ့အခါထပ်ပြီး သတိရတဲ့အကျိုးရှိနိုင်ကောင်းရဲ့လို့ မျှော်လင့်ပါတယ်။

မပြေချောတဲ့ ခရီးကို ကျွန်တော်တို့လို သွားရသူများမဟုတ်ဘဲ ပြေပြေလွင်လွင် အောင်အောင်မြင်မြင်နဲ့ သွားကြရသူများအဖို့တော့ အခုလို သတိပေးတဲ့အနေနဲ့ပြောပြတာဟာ ပိုပြီး ပြေလွင် အောင်မြင်သူတွေဖြစ်အောင် ကြိုးစားနိုင်ဖို့အတွက် အထောက်အကူ တစ်စုံတစ်ရာဖြစ်နိုင်ကောင်းရဲ့လို့ မျှော်လင့်မိပါတယ်။

အခန်း(၁)
ဝိုးတ၀ါးလမ်းနှင့် အတွေးအမြင် အလင်းရောင်

ဘ၀ခရီးမှာ မတွေ့ချင်၊ မဆုံချင်ပေမယ့် တွေ့လာရတာ၊ ကြုံလာရတာက ‘ဒုက္ခ’ ကိုပါပဲ။ ဒုက္ခကိုတွေ့ဆုံဖို့ ဘယ်သူမှ လွမ်းလွမ်းမောမော မတမ်းတပါဘူး။ ဒါပေမယ့် ဒုက္ခနဲ့တော့ တွေ့ကြုံရတာပဲ။ “ဒုက္ခနဲ့ဆုံဆည်းရပါလို၏၊ ဒုက္ခနဲ့ မကွဲမကွာနေရပါလို၏” လို့လဲ ဘယ်သူမှ မြတ်မြတ်နိုးနိုး ဆုမတောင်းဘူး။ ဆုမတောင်းပေမယ့် ပြည့်ပါတယ်။ ဘာကြောင့်လဲဆိုတော့ . . . ဒုက္ခနဲ့ ဆုံဆည်းနေရလို့ပဲ။ ဒုက္ခနဲ့ အစဉ်လိုလို မကွဲမကွာတွေ့ဆုံ ပေါင်းဖော်နေရလို့ပါပဲ။
ဒုက္ခကို အသွင်အမျိုးမျိုးနဲ့ကို ဘ၀ခရီးမှာတွေ့ရဆုံရတယ်။ အခက်အခဲတွေ ဘေးအန္တရာယ်တွေ အဖြစ်နဲ့လဲ ဆုံဆည်းရတယ်။ ရက်စက်မှုတွေ၊ မသမာမှုတွေ၊ တရားမမျှတမှုတွေ အနေနဲ့လည်း တွေ့ရကြုံရတယ်။
ဒီလိုကြုံတွေ့ရတဲ့အခါ …
တချို့က စိတ်ပျက်သွားတတ်ကြတယ်။ စိတ်ဓာတ်တွေကျဆင်းသွားတတ်ကြတယ်။ အခုလို အခက်အခဲတွေ၊ ဘေးရန်အန္တရာယ်တွေစတဲ့ ပြသနာတွေကို ကြုံရတာဟာ အတိတ်ကံမကောင်းလို့ဘဲလို့ ယူဆတတ်ကြတယ်။ ကံကြမ္မာပေါ်အပြစ်ပုံချတတ်ကြတယ်။ ဒီပုဂ္ဂိုလ်တွေဟာ ပြေလည်တာတွေ၊ ကောင်းတာတွေနဲ့ ကြုံတွေ့ရရင်လဲ ကံကြောင့်၊ ကံကောင်းတဲ့အတွက်ကြောင့်လို့ ယူဆတတ်ကြတယ်။ ဒီအယူအဆကို ကြည့်ရင် အတိတ်ကံကြမ္မာဟာ လူတစ်ဦးရဲ့ဘ၀ကို ကောင်းအောင်၊ ဆိုးအောင်၊ အခက်အခဲတွေနဲ့တွေ့ကြုံအောင်၊ ပြေလွင်တာတွေနဲ့ဆုံဆည်းအောင် ပြဌာန်းပေးနေတဲ့ သဘောရှိတယ်။ ဒီအယူအဆကို ခံယူထားရင် “ကြမ္မာဝါဒ” ဒါမှမဟုတ် အတိတ်ကံကိုသာ ယုံကြည်သောဝါဒ “Fatalism” ကို လုံးလုံးလက်ခံနေရာရောက်တယ်။

တချို့ကတော့လဲ ဘ၀ခရီးမှာ ကြုံတွေ့လာရတဲ့ အခက်အခဲတွေ၊ မပြေလည်မှုတွေ၊ ကျရှုံးတာတွေဟာ လောကကိုဖန်ဆင်းတဲ့ တန်ခိုးတော်ရှင် ဘုရားသခင်ရဲ့ အလိုတော်အတိုင်းတွေ့ရကြုံရတာပဲလို့ ယူဆကြတယ်။ ဘုရားသခင်ကို အချို့ကလဲ “ငါတို့ကို အခုလို အခက်အခဲတွေ၊ ဒုက္ခအန္တရာယ်တွေနဲ့ ဘုရားသခင်က ဘာကြောင့်တွေ့ကြုံဆုံဆည်းစေချင်ပါလိမ့်” ဆိုတဲ့ သံသယနဲ့ ဘုရားသခင်အပေါ် မ၀ံ့မရဲအပြစ်တင်ကြတယ်။ ဒီလို ယုံကြည်သူဟာ အတိတ်ကံကြမ္မာကိုသာ ယုံကြည်သူနဲ့ မခြားနားပါဘူး။ ဒီလိုယုံကြည်နေရင် အခက်အခဲတွေ၊ ဘေးအန္တရယ်တွေနဲ့ တွေ့ကြုံတဲ့အခါ ပျော့ညံ့သူ၊ အရှုံးပေးသူ ဖြစ်နိုင်ပါတယ်။ ပစ္စုပ္ပန်ဥာဏ်၊ ၀ီရိယအားတွေကို မစိုက်ထုတ်မိဘဲ တွေဝေသူလဲဖြစ်နိုင်တာပဲ။ ကိုယ့်ဘ၀ကို ကိုယ်မပိုင်တော့သလိုလဲ ဖြစ်သွားနိုင်တယ်။

တချို့ကတော့လဲ အခက်အခဲတွေ၊ ဘေးအန္တရယ်တွေနဲ့ ကြုံလာတဲ့အခါ ကမူးရှူးထိုး စိတ်လိုက်မာန်ပါ ဖြေရှင်းတတ်ကြတယ်။ အကြမ်းပတမ်း ရင်ဆိုင်တတ်ကြတယ်။ ဒါဟာ အခြေအနေကို မှန်မှန်ကန်ကန်ရှုမြင်ပြီး လုပ်တာမဟုတ်တော့ အပြုအမူတွေဟာ မှားနိုင်တယ်၊ ရမ်းကားတဲ့ အပြုအမူမျိုးတွေ ဖြစ်သွားနိုင်တယ်။ ကြောက်ကန်ကန်ခြင်းမျိုးတွေလဲ ဖြစ်နိုင်တယ်။ ဒီနေ့ကမ္ဘာမှာ ကြောက်ကန်ကန်ပြီး အကြမ်းဖက်တဲ့ ၀ါဒတွေ “Terrorism” ကို ခံယူပြီး ပြသနာတွေကို ဖြေရှင်းနေသူတွေလဲ ရှိကြတယ်။ အကြမ်းဖက်ခြင်းအားဖြင့် အခက်အခဲတွေကို ကျော်လွှားနိုင်ဖို့မလွယ်ဘူး။ အောင်မြင်မှုရဖို့ မလွယ်ဘူး၊ မအောင်မြင်တဲ့အခါ လူဟာ တွေဝေသွားပြန်တာပဲ။ တွေဝေတဲ့စိတ်၊ တွေဝေတဲ့အမြင်ရှိလာရင် လူ့ဘ၀ လူ့လောကကြီးတစ်ခုလုံးကို အချည်းအနှီး လူ့လောကကြီးအဖြစ်၊ အချည်းနှီးသော၊ အဓိပ္ပာယ်မဲ့သော ဘ၀ကြီးအဖြစ် ထင်မြင်ယူဆတဲ့ “အချည်းအနှီး အဓိပ္ပာယ်မဲ့ဝါဒ” Nihilism ကို ခံယူလာတတ်တယ်။ သုံးသပ်မှု မမှန်ရင်၊ ရှုမြင်မှု မမှန်ရင် ခံယူချက်၊ ယူဆချက်တွေ မှားတတ်တာပဲ။

ဒီတော့ အခက်အခဲတွေ၊ ဘေးအန္တရာယ်တွေကို ကြုံလာတဲ့အခါ မှန်ကန်တဲ့သဘောထား၊ အစွန်းမရောက်တဲ့ အမြင်၊ ပဓာန အကျဆုံး အကြောင်းအရာကို သိတဲ့အသိနဲ့ ရင်ဆိုင်ဖြေရှင်းတတ်ဖို့ လိုမှာပဲ။ ဒါကိုပြောရင်းနဲ့ အဖြစ်အပျက်ကလေးတစ်ခုကို အမှတ်ရမိတယ်။ . . . . . .

(ဆက်လက်စောင့်စားဖတ်ရှုပါရန် …)